كنت أتصفح لما لقيت حد من أصدقاءي حاطط المثال ده:
نموذج من حوارتنا الأسرية مع أطفالنا الضحايا!!
الأم : خلي بالك يا بنت وامسكى الكوباية كويس
البنت : حاضر يا ماما
الأم : أوعي توقعيها من على الطرابيزة
(تقع الكوباية من البنت وتنكسر..... 
وتصرخ الأم)
وتصرخ الأم)
الأم : مش تاخدي بالك يا حمارة... مش أنا حذرتك .. يا غبية !!
البنت : ماما ... ما انتى كمان غبية
( الأم في دهشة ... ) .. بتقولي ايه يا بنتيا قليلة الأدب ؟؟؟؟؟
) .. بتقولي ايه يا بنتيا قليلة الأدب ؟؟؟؟؟
البنت : ما انتي وقعتي طبق امبارح في المطبخ؟؟
الأم : انتي قليلة أدب وما تربيتيش
البنت : ما انتي كمان ياماما قلية أدب .. ما انتى كمان بتقوليلى ياغبية
(وغالبا ما ستنتهى مواقف كهذه بكف على الوجه أو ركلة قدم !!!- وهذا كله سيعتمد على الحالة البدنية واللياقة التي تتمتع بهاالأم أو الاب)
دعونا نحلل الموقف
الطفلة تتكلم بتلقائية بحكم سنها الصغيرجداااا .. عندما الأم أطلقت عليها لقب غبية حينما الأم ربطت بين الغباء وسقوط الأشياء؟؟؟ !!!! .. والطفلة أيضا تذكرت موقف آخر مشابه وربطت نفس الربط
وعندما الأم اتهمت ابنتها بقليلة الأدب لأنها تشتم ... نسيت أنها هي التي بدأت بالشتيمة
لا تريد طفلك يشتم؟؟؟؟ ... إذا أبدأ بنفسك وإياك أن تشتم
أنت تحدد ما يكون ابنك
إذا
قلت له يا غبى ... يصبح غبيا
دائما تكرر انه قليل الأدب ... يصبح قليل التربية
وإذا وصفته دائما بالحمار ... سيصبح نسخه منه باستثناء الذيل!!!
..................................................................................
فكرت ان هو ده اللي بيخرج مننا ناس بجد فاهمة الدنيا غلط..
انتوا عارفين ايه كمان؟؟
المشكلة في القدوة السيئة ان كتير من الأطفال بيربطوا ما بين سوء الخلق والسلطة...
ناخد المثال اللي سما ضربته فوق:
لو البنت كانت أكبر شوية، تفتكروا ايه الربط اللي هيحصل في دماغها؟!
الصغير أو المرؤوس لو عمل غلط يبقى غبي وحمار والأوصاف اللطيفة المذكورة فوق دي، لكن الكبير أو المسئول لو غلط يبقى حلو وجميل ومش من حق حد يحاسبه
تفتكروا ده بيطلع جيل عامل ازاي؟؟؟
أول حاجة جيل مابيحترمش نفسه ومابيحترمش حد.. بيخاف بس!
جيل بيسعى للسلطة من أجل السلطة، لأن هي دي اللي هتخليه محترم وعليه يعمل اللي هو عايزه
انك تربط الأخطاء الغير مقصودة عند الطفل بالإهانة، بتخليه ماعندهوش احساس داخلي بالسوء لما يغلط بجد.. لأنها بتموع الفواصل بين الخطأ والسهو
عارفين احنا بيعلمونا نعمل ايه مع الأطفال لما يغلطوا؟؟ ببساطة يصلحوا غلطهم
طبعا فكرة العقاب موجودة، لكن بشروط كتير جدا:
1- لازم يكون الخطأ في إيذاء للغير، أو للنفس بشكل بالغ
2- لازم يكون الطفل فاهم ان اللي بيعمله ده مؤذي، يعني تكون شرحت للطفل من قبل تأثير اللي بيعمله على الآخرين وتتأكد انه فهم (مش من حقك تفترض انه من نفسه كده عارف ان اللي بيعمله ده غلط)
3- يكون السلوك الخاطيء ده متكرر والكلام ماجابش معاه نتيجة
4- العقاب بيكون من جنس العمل إن أمكن ويكون تدريجي
5- العقاب يكون على قد الغلطة (يعني لو الغلطة صغيرة ما ينفعش عقاب كبير والعكس)
6- لازم يكون العقاب غير مهين ولا يسبب للطفل إيذاء بدني أو نفسي
والأهم ان الطفل مايحسش أبدا انك بتكرهه أو بتنتقم منه
النقطة دي في غاية الأهمية لسبب، دلوقتي لو الطفل حس بأي مشاعر من هذا القبيل مش هيربط بين الخطأ والعقاب.. بس هيربطها بالسلطة
دايما بيقولولنا لما تيجوا تعاقبوا Be firm but kind
يعني تكونوا حازمين بس طيبين من غير إيذاء
أظن لو الناس التزمت بالحاجات دي الموضوع هيتعدل كتير وهتلاقوا السلوك المحتاج تقويم ده مع الوقت بيقل لحد ما يختفي
لكن مفتاح انشاء طفل سوي هو الاحترام، لازم تحترم عقلية الطفل ونفسيته وتبقى فاهم كويس ان زيه زيك، كل اللي عندك شوية معلومات زيادة عنه..
وكانت احدي الدكاترة المتخصصين في الطب النفسي للأطفال بتقول كلمة رائعة، بتقول:
"ولادنا دول مش بتوعنا، مش احنا اللي جبناهم، هو ربنا جابهم للدنيا من خلالنا.. وكل واحد فيهم ربنا خالقه انسان كامل عنده عقل وقلب ووسائل للتعلم، احنا بنساعدهم يتعاملوا مع الدنيا من خلال امكانياتهم، لكن مش احنا اللي أدينالهم الامكانيات دي.. وبما ان عندهم عقول، احنا لازم نحترم وجود العقول دي وننميها ونمدها بالمعلومات، بس مش بنملي عليهم المعلومات اللي موجودة عندنا.. احنا مش عايزين نسخ مننا، احنا عايزين نشوف كل حد فيهم قادر انه يبقى شخص منفصل، قوي الشخصية، قادر يعتمد على نفسه وينتج، كل المطلوب مننا اننا نساعد في بناء تلك الشخصية."
