السلام عليكم ورحمة الله وبركاته
هبدأ بسم الله..
أنا كان في نيتي أعمل المدونة دي من فترة طويلة
أنا مش عاملاها من باب اني أحكي بس عن ولادي بس
يمكن فكرت أعمل كده قبل كده.. بس هدفي دلوقتي أكبر شوية
هدفي اني أتكلم عن كل حاجة أوصل لها تخص عالم الأطفال
أكتب وأسجل كل ملحوظاتي
بس كمان هتكلم عن ولادي.. وعن كل حاجة بتعلمها منهم وفيهم :D
نفسي يبقوا أحسن مني، نفسي يبقوا أحسن ناس
من ساعة لما بدأت أشتغل في المدارس وانا بتوجع أوي من كل حاجة بحس انها مش صح وانها مفروضة علينا فرض اننا نعلمها لولادنا
بس تفتكروا الوضع ده ممكن يستمر لحد امتى؟؟
نعلم ولادنا حاجات غلط أو نستخدم أساليب خاطئة؟؟
امتى هنقدر نستنغنى عن التعليم الأجنبي؟؟
اتمنى يكون ليّ دور في الموضوع ده
عموما دي كانت أول تدوينة.. وهدفها تعريفي وتجريبي واحتمال تكون مملة :D
فيا ريت تعذروني وانتظروا الجديد قريبا بإذن الرحمن :)
